«Birneshe myńjyldyqtar boıy bizdiń makroóńir memleketteri búkil adamzattyń qoǵamdyq, mádenı, tehnologııalyq progresiniń negizgi qozǵaýshy kúshi boldy. Bul orasan zor tarıhı tájirıbe egemendik pen ádilettilik qaǵıdattaryna negizdelgen jańa turaqty jáne ınklıýzıvti álemdik tártipti qurýdyń berik negizi bola alady», dedi Prezıdent.
Qasym-Jomart Toqaevtyń aıtýynsha, búginde Azııa álemdik ekonomıkalyq kóshbasshyǵa aınaldy.
«HHI ǵasyr - Azııanyń ǵasyry bolady degen boljam búginde shyndyqqa aınaldy. Azııa nomınaldy JIО́ jáne satyp alý qabiletiniń parıteti boıynsha tanymal álemdik ekonomıkalyq kóshbasshyǵa aınaldy. Azııa adamı jáne tabıǵı resýrstarǵa ıe. Álemdegi eń iri 30 qalanyń 21-i Azııada ornalasqan. 2030 jylǵa qaraı orta taptyń 30 trıllıon dollarlyq tutynýynyń barlyq boljamdy ósýiniń tek 1 trıllıon dollary Batys ekonomıkalaryna túsedi dep kútilýde. Alaıda, Azııanyń bolashaǵy bizdiń mádenıetter, dástúrler men dúnıetanymdar arasyndaǵy dıalogty nyǵaıtýǵa baǵyttaǵan ujymdyq daıyndyǵymyzǵa da baılanysty», dep atap ótti Memleket basshysy.
Qazaqstan Prezıdenti AО́SShK damytý úshin qabyldanǵan qadamdar osy maqsatqa sáıkes keletinine senim bildirdi.
«Keńes budan bylaı Azııa kontınentinde jumys isteıtin basqa da tabysty kópjaqty uıymdarmen ózara is-qımyl jasaı otyryp, mádenıetter men órkenıetter arasyndaǵy progreske, ekonomıkalyq órkendeýge jáne dıalogqa yqpal etetin bolady», dedi Qasym-Jomart Kemeluly.
